"स्वस्थ बच्चा नै भविष्यको स्वस्थ नागरिक हो" भन्ने अवधारणालाई आत्मसाथ गर्दै शिशु पोषण प्रवर्द्धन कार्यक्रम अन्तर्गत आज मिति २०७८/०३/२१ गते दिप्रुङ चुइचुम्मा गाउँपालिका वडा नं. २ ओख्रेमा शिशु पोषण प्रवर्द्धन भत्ता वितरण गरिएको छ । अन्य वडामा पनि क्रमश हुने जानकारी गराईन्छ । यो कार्यक्रमबाट लाभान्वित हुन आमाले बच्चा गर्भमा आएपछि ४ पटक गर्भजाँच गरेको, जन्मिसकेपछि बालबच्चाले सबै नियमित खोपको मात्रा पूरा गरेको, नियमित स्वास्थ्य जाँच गराएको, जन्मदर्ता गराएको लगायत मापदण्ड पुरा गरेको हुनु पर्दछ । प्रत्येक दम्पतिको दुई वर्ष मुनिका २ वटा बच्चालाई प्रति महिना १ हजारका दरले यो भत्ता वितरण गरिन्छ । दुई भन्दा बढी बच्चा जन्माएको हकमा भने प्रोत्साहन भत्ता दिइने छैन ।