तिमि म नेपालले तिनकन्या प्रा.वि. याङसोलाटारको प्राङ्गनमा गाउँपालिका अध्यक्ष श्री भुपेन्द्र राई ज्युको प्रमुख आतिथ्यतामा यस गाउँपालिका अन्तरगतका ४ ओटा बिद्यालयहरु श्री महेन्द्रोदय मा.वि. ओख्रे, जानविकास आ.वि. नारंगा, याङसोला मा.वि. याङसोला र सरस्वती मा.वि. कुलागाउँका कक्षा १ देखि ८ सम्मका विद्यार्थीहरुलाइ उपहार स्वरूप् जापानी झोला वितरण तथा तिनकन्या प्रा.वि. लाइ प्रोजेक्टर प्रदान गरेको छ | गाउँपालिका यस संस्थाका संचालक दिप्रुङ चुइचुम्मा गाउँपालिका ५ निवासी (हाल जापानमा अध्यायनरत ) श्री सरद राई ज्यु प्रति हार्दिक धन्यवाद प्रकट गर्दछ |

आ.व.२०७६/०७७ मा दिप्रुङ चुइचुम्मा गाउँपालिकाको रु १ लाख आर्थिक सहयोग र कृषक गणेश थापाको रु २० हजार गरी जम्मा रु १ लाख २० हजार लगानीमा दिप्रुङ चुइचुम्मा गाउँपालिका वडा नम्बर-२ स्थित अलैंची नर्सरी श्रोत केन्द्रको स्थापना भएको छ ।

दिप्रुङ चुइचुम्मा गाउँपालिकाद्वारा गाउँपालिका उपाध्यक्ष श्री सपना राई ज्युको अध्यक्षतामा गा.पा. अन्तर्गतका स्वास्थ्य संस्थाको अ.न.मी.हरुसङग स्कुल नर्स कार्यक्रम र बर्थिङ सेन्टर संचालन सम्बन्धि  बृहत छलफल भएको छ | 

दिप्रुङ चुइचुम्मा गाउँपालिकाको २ दिने राजस्व सुधार कार्य योजना तर्जुमा गोष्ठी गाउँपालिका उपाध्यक्ष तथा राजस्व परिचालन समितिका संयोजक श्री सपना राई ज्युको सभापतित्व तथा गाउँपालिका अध्यक्ष श्री भुपेन्द्र राई ज्युको प्रमुख आथित्यतामा सम्पन्न भएको छ |
पालिकाको राजस्व अधिकार क्षेत्र, करको सिद्धान्त र यसका प्रकारहरु, राजस्व सुधार कार्य योजनाको उद्धेश्य तथा महत्व  साथै पालिकाको राजस्व सम्बन्धी तथ्याङ्क तथा सूचनाको आवश्यकता र उपलब्धता, राजस्वका अनुमानित आधार र दरहरु तथा राजस्वको सम्भाब्यता  यस कार्यक्रमको  मुख्य उदेश्य  रहेको छ |