दिप्रुङ चुइचुम्मा गाउँपालिका र नेपाल कृषि सेवा विकास कार्यक्रमको साझेदारीमा संचालन हुने कार्यक्रमहरु खाद्यान्न, स्थानीय जातको बाख्रा(खरी) तथा प्रजनन योग्य बोयर जातको बोकाहरु खरिद गरी वितरण गर्न मिति २०७७ कार्तिक २६ गते सम्झौता भएको छ ।

टोल-टोलमा छरिएर रहेका आमा समूहहरूलाई सहकारी दर्ता गरी संस्थागत रूपमा संचालन गर्न प्रोत्साहित गर्ने भन्ने आ.व. २०७७/०७८ को नीति तथा कार्यक्रम अनुसार आज मिति २०७७/०७/२३ गते यस दिप्रुङ चुइचुम्मा गाउँपालिकाका आमा समूह तथा महिला विकास समितिहरूलाई व्यवस्थित र वैधानिक रूपमा सहकारी संस्था मार्फत संचालन गर्न गाउँपालिका अध्यक्ष श्री भुपेन्द्र राई ज्यूको प्रमुख आतिथ्यता तथा गाउँपालिका उपाध्यक्ष श्री सपना राई ज्यूको सभापतित्वमा १ दिने अभिमुखिकरण कार्यक्रम सम्पन्न भएको छ ।

गाउँपालिकाको पालिकासँग महिला कार्यक्रम अन्तर्गत वडाका सबैभन्दा जेष्ठ नागरिक सम्मान कार्यक्रम आज मिति २०७७/०७/०३ गते दिप्रुङ चुइचुम्मा गाउँपालिका वडा नं. ७ टेम्माका सबैभन्दा जेष्ठ ९१ वर्षिय पुरूष श्री सहरमान विश्वकर्मालाई पालिकासँग महिला कार्यक्रमको संयोजक तथा गाउँपालिका उपाध्यक्ष श्री सपना राई ज्यूको स‌ंयोजकत्वमा सम्मान गरेसँगै समापन भएको छ । यस अघी तपसिल बमोजिमको व्यक्तीहरू सम्मानित भइसक्नु भएको छ ।

तपसिल :

१) वडा नं. १ निवासी ९६ वर्षीय याम्खा खामडाँडा निवासी धनकुमारी राया

२) वडा नं. २ निवासी ९२ वर्षीय डाँडागाउ ओखरबोटे निवासी मधुमाया खड्का